لــفي ع ـــبــاتكـ ..

حان الوداع ولا بقى شي ينقال
............لفّي عباتك يالهنوف وتغطي
خلاص لا تبكي ولا تاخذي بال
............خلي عنادك يكسر اليوم شرطي
عز الله دموعك على قلبي ثقال
............وعز الله دموعك على الخد تبطي
كثر الخطا يا بنت ما يسعد الحال
............واللي يتوب من الخطا ليه يخطي
الصفعه اللي عانقت خد رجال
............ما تنغفر حتى ولو كان مخطي
لا تحسبين الحب هو لعبة أطفال
............ متعدية من دون ضبط ٍ وربطي
تبنين من حلم البزارين تمثال
............يذوب لا منه وقف عند شطي
طبعي مع الأيام راضي ورحال
............آخذ من الدنيا كثير ٍ وأعطي
طبعي كذا ثابت ولا فيه أحتال
............أبسط حجاجي للمقادير بسطي
وأنتي تعيشين الهوى بأسم محتال
............ما هاب قاضي لا ولا هاب شرطي
قل للهنوف اللي تستّر ورا الشال
............مع السلامه دربك اليوم مبطي
ما عاد لي في فيّة الحب مقيال
............إلا الجروح اللي على الجوف تسطي
لولا الرجا وآصبر النفس بآمال
............ما أنقش على صفحات الأوراق خطي[/size